ஜப்பானில் வெளியாகும் சிம்புவின் மாநாடு திரைப்படம் – தயாரிப்பாளர் சுரேஷ் காமாட்சி தகவல்!

மாநாடு திரைப்படம்:

ஜப்பானில் வெளியாகும் சிம்புவின் மாநாடு திரைப்படம்: கடந்த 2021ம் ஆண்டு இயக்குனர் வெங்கட் பிரபு இயக்கத்தில் நடிகர் சிம்பு நடிப்பில் வெளியான திரைப்படம் ‘மாநாடு’. இப்படத்தில் சிம்புவுடன் கல்யாணி பிரியதர்ஷன், எஸ்.ஏ.சந்திரசேகர், எஸ்.ஜே.சூர்யா, மனோஜ் பாரதிராஜா, பிரேம்ஜி, ஒய்.ஜி.மகேந்திரன் உள்ளிட்ட பலர் நடித்திருந்தார்கள்.

அந்த வகையில் டைம் லூப் கதையம்சம் கொண்ட இந்தத் திரைப்படம் ரசிகர்கள் மத்தியில் பெரும் வரவேற்பை பெற்றது. மேலும் வசூல் ரீதியாகவும் இந்த படம் மிகப்பெரிய சாதனை படைத்தது குறிப்பிடத்தக்கது. மேலும் இந்த படத்தில் சிம்பு மற்றும் எஸ்.ஜே.சூர்யாவின் நடிப்பு பாராட்டுகளை ரசிகர்கள் மத்தியில் பெற்றது.

ஜப்பானில் வெளியாகும் மாநாடு திரைப்படம்:

இந்நிலையில், மாநாடு திரைப்படம் விரைவில் ஜப்பானில் வெளியாகவுள்ளதாக திரைப்படத்தின் தயாரிப்பாளர் சுரேஷ் காமாட்சி தெரிவித்துள்ளார்.

ஜூனியர் என்.டி.ஆருடன் கைகோர்க்கும் இயக்குநர் நெல்சன்? – விரைவில் அறிவிப்பு வெளியாக வாய்ப்பு!

மேலும் இது தொடர்பான அவரது எக்ஸ் பதிவில், “நல்ல படம் என்பது ஒரு அழகிய பறவை போல. கண்டம் கடந்தும் நேசிக்கப்படும். மாநாடு தற்போது ஜப்பானில் மே மாதம் வெளியாக உள்ளது. இந்த லூப் ஹோல் திரைக்கதை ஜப்பானியர்களின் மனதைக் கொள்ளை கொள்ளும் என்ற நம்பிக்கை உள்ளது” என்று பதிவிட்டுள்ளார்.