சல்மான் கானுக்கு கொலை மிரட்டல் விடுத்த நபர் கைது – காவல்துறை அதிரடி நடவடிக்கை!
சல்மான் கானுக்கு கொலை மிரட்டல் விடுத்த நபர் கைது: பாலிவுட்டில் முன்னணி நடிகராக இருந்து வருபவர் தான் நடிகர் சல்மான் கான். தற்போது ஒரு பக்கம் சினிமாவிலும், இன்னொரு பக்கம் பிரபல ஷோவான பிக்பாஸ் ஷோவை தொகுத்து வழங்கி வருகிறார்.
சல்மான் கானுக்கு கொலை மிரட்டல் விடுத்த நபர் கைது
இப்படி இருக்கையில் மும்பை பாந்திராவில் வசித்து வரும் அவர் வீட்டின் மீது பஞ்சாப் தாதா லாரன்ஸ் பிஷ்னோய் கும்பலை சேர்ந்தவர்கள் சமீபத்தில் துப்பாக்கியால் சுட்டு பரபரப்பை ஏற்படுத்தினர்.
இதனை தொடர்ந்து கடந்த மாதம் அவருக்கு நெருக்கமானவரான தேசியவாத காங்கிரஸ் மூத்த தலைவர் பாபா சித்திக் சுட்டுக்கொலை செய்யப்பட்டார். இதனால் சல்மான் கான் உயிருக்கு ஆபத்து இருக்க கூடும் என்று கருதப்பட்டது. அதன்படி அவருக்கு, அடிக்கடி கொலை மிரட்டல் விடுக்கப்பட்டு வந்தது.
இதனை தொடர்ந்து கடந்த திங்கட்கிழமை சல்மான் கான் உயிருடன் இருக்க வேண்டும் என்றால் பிஷ்னோய் சமுதாய கோவிலுக்கு சென்று பொது மன்னிப்பு கேட்க வேண்டும், இல்லாவிட்டால் ரூ.5 கோடி தர வேண்டும் என்று காவல்துறைக்கு குறுஞ்செய்தி வந்துள்ளது.
புடவை(சேலை) கட்டினால் புற்றுநோய் வருமா? என்னடா சொல்றீங்க? வெளியான அதிர்ச்சி தகவல்!
இதனை தொடர்ந்து காவல்துறை வழக்குப்பதிவு செய்து விசாரணை நடத்தி வந்த நிலையில், ஜல்ராம் பிஷ்னோய்(வயது 35) என்பவரை பிடித்து விசாரித்தனர். அவர் தான் மிரட்டல் விடுத்தது உறுதியானது. அவரை கைது செய்து கோர்ட்டில் ஆஜர்படுத்தி மும்பை அழைத்து வரும் நடவடிக்கையில் ஈடுபட்டு உள்ளனர்.
ரேஷன் கார்டில் KYC அப்டேட் செய்து விட்டீர்களா? இது தான் கடைசி நாள்?
தமிழகத்தில் வீரியம் எடுக்கும் மெட்ராஸ் ஐ – மருத்துவர்கள் கூறும் விஷயம் என்ன?
