தமிழ் சினிமாவில் காமெடியனாக கலக்கி வந்த நடிகர் சூரி, தற்போது ஹீரோவாக மிரட்டி வருகிறார் என்று தான் சொல்ல வேண்டும். இவர் ஹீரோவாக நடித்த விடுதலை திரைப்படம் ரசிகர்கள் மத்தியில் அதிகம் கவனம் பெற்றது. இப்படத்தின் இரண்டாம் பாகத்திற்காக ரசிகர்கள் எதிர்பார்த்து காத்துக் கொண்டிருக்கின்றனர். இதை தொடர்ந்து வெற்றிமாறன் கதையில் உருவாகி வரும் கருடன் என்ற படத்தில் நடித்து வருகிறார்.

உடனுக்குடன் செய்திகளை அறிய “SKSPREAD” Watsapயை பின் தொடருங்கள்!

இவருடன் சேர்ந்து சசிகுமார் முக்கிய கதாபாத்திரத்தில் நடித்து வருகிறார். சமீபத்தில் இப்படத்தின் பர்ஸ்ட் லுக் வீடியோ வெளியாகி மக்களிடையே அதிக வரவேற்பை பெற்றது. இந்நிலையில் கருடன் படக்குழு முக்கிய அறிவிப்பு ஒன்றை வெளியிட்டுள்ளது. அதாவது நடிகர் சூரி நடிக்கும் கருடன் படத்தின் முதல் பாடலான ‘பஞ்சவர்ண கிளியே’ பாடலை படக்குழு வெளியிட்டுள்ளது.

இதுவரை சூரி ஒரு காதலியை உருகி உருகி காதலிப்பதை நாம் யாரும் பார்த்ததில்லை. ஆனால் இந்த பாடலில் காதலியை பார்த்து சூரி உருகுவது போல் அமைந்துள்ளது. இந்த படத்தில் சூரியை வித்தியாசமாக பார்க்கலாம் என எதிர்பார்க்கப்படுகிறது. தற்போது இந்த வீடியோ இணையத்தில் வைரலாக பரவி வருகிறது.