ஊழல் பட்டியலை கணக்கெடுக்கும் தவெக தலைவர் விஜய் – விரைவில் ஆளுநருடன் சந்திப்பு?

ஊழல் பட்டியலை கணக்கெடுக்கும் தவெக தலைவர் விஜய்: நடிகர் விஜய் தற்போது தளபதி 69 படத்தில் நடித்து வருகிறார். இப்படத்தை வினோத் இயக்கி வருகிறார். இந்த படத்துடன் அவர் முழுவதுமாக அரசியலில் இறங்க போகிறார். அதற்காக கடந்த பிப்ரவரி 2ம் தேதி தமிழக வெற்றிக் கழகம் என்ற கட்சியை தொடங்கினார்.

ஊழல் பட்டியலை கணக்கெடுக்கும் தவெக தலைவர் விஜய்

இதையடுத்து கட்சி கொடி பாடலை வெளியிட்ட அவர், தனது கட்சியின் முதல் மாநாட்டை விழுப்புரம் மாவட்டம் விக்கிரவாண்டியில் நடத்தினார். அப்போது விஜய் பேசியது அரசியலில் பெரும் விவாதத்தை ஏற்படுத்தியது. அதில்,  மக்கள் விரோத ஆட்சியை திராவிட மாடல் ஆட்சி என சொல்லி மக்களை ஏமாத்துறாங்க, ஊழல் கபடதாரிகள் என திமுகவை விமர்சித்தார்.

மேலும் ஆட்சி அதிகாரத்தில் பங்கு என பேசி இருந்தார். இதனை தொடர்ந்து மாவட்ட செயலாளர்கள் கூட்டத்தை நடத்தி பல்வேறு தீர்மானங்கள் நிறைவேற்றினார். இந்நிலையில் ஆளும், ஆண்ட கட்சிகளின் ஊழல் பட்டியலை துறை வாரியாக தயாரிக்க கட்சியினருக்கு உத்தரவிட்டுள்ளார்.

கொடைக்கானலில் 12m நீளமான பேருந்து செல்ல தடை – அவசியம் தெரிஞ்சுக்கோங்க!

ஆதாரம் இல்லாமல் பேசினால் நம் கட்சியின் மீது தேவையில்லாத புகார்கள் எழ வாய்ப்பு இருப்பதால், தகுந்த ஆதாரங்களுடன் ஊழல் பட்டியலை தயாரிக்க உத்தரவிட்டுள்ளார். ஊழல் பட்டியலுடன் ஆளுநரை சந்திக்கவும் திட்டம் உள்ளதாக தகவல் வெளியாகியுள்ளது.