வைகாசி விசாகம் 2024 தேதி ! மே 23 வியாழன் கிழமை அன்று விசாகனுக்கு திருவிழா !

வைகாசி விசாகம் 2024 தேதி. முருகப்பெருமானின் அவதாரத்தைக் கொண்டாடும்
தமிழர் திருநாள். இப்பண்டிகை தமிழ் மாதம் வைகாசி பௌர்ணமி மற்றும் விசாக நட்சத்திரத்தில் வருகிறது.இந்தியா மட்டுமின்றி உலகெங்கிலும், குறிப்பாக இலங்கை, மாலத்தீவு, சிங்கப்பூர், மலேசியா போன்ற தமிழர்கள் அதிகம் வசிக்கும் இடங்களில், வைகாசி விசாகம் வெகு விமரிசையாகக் கொண்டாடப்படுகிறது.

வைகாசி விசாகம் 2024 தேதி

2024 ஆம் ஆண்டு வைகாசி விசாகம் மே 23 வியாழன் அன்று கொண்டாடப்படுகிறது.

வரலாறு:

சூரபத்மா, தாரகாசுரன், சிங்கமுகன் ஆகிய அசுரர்கள் தேவர்களுக்குப் பல தொல்லைகளை ஏற்படுத்தினர். தேவர்கள் உதவிக்காக சிவபெருமானை அணுகினர். சிவபெருமான் தனது மூன்றாவது கண்ணைத் தியானித்து, அக்னி மற்றும் வாயுவால் கங்கைக்கு எடுத்துச் செல்லப்பட்ட 6 தீப்பொறிகளை உருவாக்கினார். அந்த தீப்பொறியில் இருந்து குழந்தை உருவானது. இவ்வாறு உதித்த அற்புதமான முருகப்பெருமான் ஆயிரத்து எட்டு இதழ் அடுக்கு தாமரையில் இருக்கிறார்.

சிவபெருமான் கார்த்திகை பெண்களிடம் அந்த குழந்தையை வளர்க்கச்சொல்கிறார். அப்போது, ஆறு கார்த்திகை தாய்மார்களும் அந்த ஒரு குழந்தையை தங்களுடையது என்று இழுக்க ஆறு குழந்தைகள் ஆகின்றார். பின், சிவபெருமான் கட்டளைப்படி பார்வதி தேவி இந்த 6 குழந்தைகளையும் ஒருவராக ஆக்கினார்.இவர்தான் முருகப்பெருமான், அசுரர்களை கொன்றவர். இவ்வாறு 6 திருமுகங்களுடன் முருகப்பெருமான் கட்சி அளித்ததே வைகாசி விசாக திருநாள் என்று கருதப்படுகிறது. ஒன்று பட்டதுனாலே அவருக்கு கந்தன் என்றும் ஒரு பெயர் உண்டு.

விசாகன், என்கிற பெயர் முருகப்பெருமானின் பெருமையை பறைசாற்றுகின்ற ஒரு அற்புதமான திருப்பெயர். “வி” என்றால் பட்சி என்று பொருள் “சாகன்” என்றால் பயணிப்பவர் என்று பொருள். மயில் என்கிற பக்ஷியிலே பயணிக்கக்கூடிய நாதராக விளங்குபவர் அதனால், அவருக்கு விசாகன் என்றும் பெயருண்டு. அந்த, விஷகனுக்கு உரிய திருநாள் இந்த வைகாசி விசாக திருநாள்.

திருப்பரங்குன்றம் முருகன் கோவில் வசந்த உற்சவ விழா 2024

இது தவிர, வள்ளல் பெருமானார் சத்ய ஞான சபையை நிறுவிய நாளாகவும் இந்த வைகாசி விசாகம் திருநாள் விளங்குகிறது. நம்மாழ்வாருடைய அவதார தினமாகவும் இந்த நன்னாள் திகழ்கிறது.

சடங்குகள்:

இந்த நாளில், கோயில்கள் சிறப்பு பூஜைகள் மற்றும் சடங்குகளை நடத்தி தங்கள் பக்தர்களுக்கு பிரசாதம் வழங்குகின்றன. சிறப்பு பூஜை மற்றும் அனைத்து சிறப்பு சடங்குகளிலும் பங்கேற்பதற்காக பக்தர்கள் அதிகாலையில் இருந்து கோவில்களில் கூடுகிறார்கள். பல பக்தர்கள் தங்கள் வீட்டிலிருந்து கோவிலுக்கு நீண்ட தூரம் நடந்து செல்வார்கள். கோவில் தேர், பக்தர்களுடன், வீதிகளில் பிரமாண்ட ஊர்வலமாக எடுத்துச் செல்லப்படும்.

விசாகம் கொண்டாடுவதால் கிடைக்கும் பலன்கள்:

வைகாசி விசாகத்தைத் தீவிரமாகக் கொண்டாடும் முருகப்பெருமான் தன் பக்தர்கள்
அனைவருக்கும் தன் அருளைப் பொழிகிறார் என்று பக்தர்களால் நம்பப்படுகிறது. குடும்பத்தில் இருந்த பிரச்சனைகள், குழப்பங்கள் நீங்கும் என்ற நம்பிகையுடன் முருகபதர்களிடையே இவ்விழா கொண்டாடப்படுகிறது. சிறப்பிற்குரிய முருகப்பெருமானுடைய பல்வேறு வகையான விரத நாட்களில் ஒன்றாக விளங்கக் கூடியது வைகாசி விசாக திருநாள். அதனால், இந்த நாளில் விரதம் மேற்கொள்வது பல்வேறு பலன்களளை தருகிறது. குழந்தை வேண்டி விரதம் இருப்பவர்களும் வைகாசி விசாக திருநாளில் விரதம் மேற்கொண்டு நன்மை அடையாளம். ஆகையால், வைகாசி விசாகம் மிகப்பெரிய நன்னாளாக பக்தர்களால் கொண்டாடப்படுகிறது.